Baie goeie boek vir 'n genotvolle leeservaring. Goeie balans tussen drama, afwagting en humor. Het die boek baie geniet.

Baie baie goeie boek, alles word in 'detail' verduidelik mens sien en ruik alles soos dit beskryf word, mens ervaar die emosie saam die karakters. ek kon die boek nie neer sit nie, en sit met n leemte nou dat ek klaar is met Naomi se pad. ek sal meer as 5 sterre gee as ek kon. Die boek het baie diep betekenis.

Baie baie goeie boek, alles word in 'detail' verduidelik mens sien en ruik alles soos dit beskryf word, mens ervaar die emosie saam die karakters. ek kon die boek nie neer sit nie, en sit met n leemte nou dat ek klaar is met Naomi se pad. ek sal meer as 5 sterre gee as ek kon. Die boek het baie diep betekenis.

Resensie deur : Yvonne Blignaut

Eerstens 'n boeiende verhaal meesterlike vertel!! Ek het geweet na die lees van hoofstuk 1 ek gaan nie die boek kan neersit en lees in meer as een sessie nie.

Estelle sommige mense het by die Here die gawe ontvang om te skilder en vir jou het Hy die gawe gegee om te skilder en skep met woorde! In soveel plekke in jou boek het die mooi beskrywende Afrikaans my hart geroer. Jy is die tweede skryfster van Afrikaanse boeke wat die ritme van ons taal so mooi kan neerpen op papier. (die ander skryfster is Marzanne Le Roux van der Boon). Jul het die gawe om nie net die leser se emosies maar ook die sintuie betrokke te hou in die storie.
Die lees van die boek was soos om 'n legkaart te bou, stukkie vir stukkie het die intrige ontvou en wat 'n plesier om 'n boek te lees wat tot op die laaste hoofstuk die leser geboeid hou en om die laaste legkaart stukkie in sy plek te plaas.

Die worsteling en wroeging van Naomi met haar geloof en haar plekkie in God se plan het my so baie laat dink aan Dawid wat sy stryd so mooi beskryf in soveel van die Psalms. Deurgaans is die leser bewus van die goue draad in Naomi se verhaal, ten spyte van ons menslike stryd en worsteling deur moeilike tye bly God getrou en diep in haar wese het Naomi die besef gehad en gekoester, Jesus is ons ewige hoop!

Jy het soveel van die wroeginge van Naomi so eg en meesleurend weergegee dat die leser in die moeilike tye waarmee ons gekonfronteer word en in ons daaglikse wandel met die Here aanklank kan vind by haar stryd en vrae. Ek dink jy het dit reggekry om soveel mense se worstelinge, akkuraat op papier vas te pen.

Die leser besef deurgaans in die boek dat hier is iemand besig om 'n verhaal neer te pen wat al self die stryd gestry en as oorwinnaar in Christus die lewenspad bewandel.

My laaste gedagte aan die einde van die boek was Spreuke 3:1-26.

Ek sien baie uit na die volgende boek en ek weet dat die Here Naomi se offer gaan gebruik om baie harte aan te raak, vrae te beantwoord en verlore skapies terug te bring na Hom.

As 'n nagedagte daar was 'n paar plekkies in die boek wat die sinkonstruksie 'n woord ontbreek of een te veel gehad het.

Wow, wat ʼn boek! Ek het tot my werk opsy geskuif. Ek moes net klaar lees. Ek het dit vreeslik geniet en soveel emosies ervaar. Ek het saam gelag en saam gehuil, die pyn gevoel en tot kwaad geword vir die twee hardkoppige mense. Ek is ook in Mossiesdal en wag op God en wonder wanneer kan ek terugkeer na my eie Heilbron toe?
Wat vir my uitgestaan het, is hoe ʼn tekort aan liefde en aanvaarding in mens se lewe jou besluite kan beïnvloed. Verder, die lewe gooi almal rond en dit beïnvloed ons verhouding met God wat veroorsaak dat dit mens soms langer neem om op die pad van herstel te kom met ons verhouding ten opsigte van ons Skepper. Maar die wonder daarvan is dat Hy wel luister, al vat dit soms 20 jaar. Ek het besef ons almal gaan deur rowwe tye, en dit is nodig, sodat ons ander kan help met die wysheid wat ons verkry het en dat daardeur kan ons ander deur hul swaar tye bystaan.
Nog ʼn les is, dat Ego en eiebelang lewens verwoes. Wanneer ons besluite uit ons eie maak en nie deur die Heilige Gees gelei word nie, dit rampspoedig kan eindig. Wat ek ook geleer het, is dat hardkoppigheid tyd mors, en daarom moet ons gehoorsaam wees en naby Hom leef, want dit wat seer en onseker is sal ten goede en mooi uitdraai. Ons sal meer lewensvreugde ontvang as wat ons verwag deur altyd gaaf te wees teenoor. Die belangrikheid om tyd te vat en stil te raak met jouself en God is weereens deur die skrywer aan my bevestig.
Ek het nie woorde om die diep invloed van Naomi se Offer verder te verwoord nie. Ek voel so verlore om te weet ek gaan nie meer saam met Naomi toer nie. Die karakters leef in my …
Die skrywer, Estellé Strydom, het bevestig dat daar ʼn opvolg sal wees en ek is opgewonde om dit te lees. Ek weet egter nie hoe sy Naomi se Offer gaan oortref nie.

Hierdie boek van jou is verby mooi. Ek lees vrees baie … En nog nooit het ʼn storie my so geraak nie … Ek is nog nie klaar nie… Kan nie neer sit nie … Hierdie boek gaan jou wêreld bekend maak. Ek het nie woorde nie. Baie, baie dankie en geluk uit my hart.

Hierdie boek van jou is verby mooi. Ek lees vrees baie … En nog nooit het ʼn storie my so geraak nie … Ek is nog nie klaar nie… Kan nie neer sit nie … Hierdie boek gaan jou wêreld bekend maak. Ek het nie woorde nie. Baie, baie dankie en geluk uit my hart.

Hallo Estellé. Ek wil net vir jou gou sê hoe ek jou boek geniet het. Ongelooflik menslike verhaal wat net weer beklemtoon hoe stukkend ons lewe kan wees. Maar dat God jou pad saam met jou loop. Ek het so gehuil met die laaste bladsye dat ek dit weer sal moet oorlees. Ek hoop dat dit nie die laaste uit jou pen is nie.

Berdean van Rensburgh
Dit was voorwaar vir my en Piet 'n voorreg om jou te ontmoet en jou 1e boek is absoluut awesome! Lag, huil hartseer, vreugde onvoorspelbaar, interessant en, en, en ...... ek kan nie wag vir nommer 2 en drie en nog baie meer nie! Ons sal weer oggende al agter die koelte aan kuier terwyl dit voel of die tyd stilstaan! Geniet elke oomblik van die nuwe avontuur - ons sien julle weer onder 'n ander boom! ? ?

Ek moes net weer die boek vir 'n 2de keer lees! Ek kon weer in Naomi se vel inklim en elke ervaring, emosie en gevoel saam met haar en die ander karakters beleef en weer in haar omgewing en sintuie deel asook die van die mede karakters! Weereens is dit asof 'n film voor jou afspeel en jy is die hoof karakter wat alles waarneem. Die goue band van absolute geloof en liefde en die bewusmaking dat elke mens, hoe sterk jy ookal dink jy is, iemand nodig het in jou lewe om op te steun en jou laat besef God sal jou nooit verlaat nie - daar waar jy nie kan stap nie sal hy jou dra - die keuse het hy jou gelaat dat slegs jy Hom kan verlaat maar hy sal nooit jou hand los nie. Ek het soveel dieper boodskappe gekry met die 2de lees rondte - Baie dankie vir jou mooi beskrywings en fyn goed deurdinkte lewens lesse wat jy op 'n meesterlike wyse saamgevat het. XXX

ps. Ek kan nie wag vir die volgende boek nie!