Die Nagels is ’n gemiddelde blanke gesin wat op ’n kleinhoewe woon. Die Khumalo’s, ’n uiters welgestelde gesin in die nuwe Suid-Afrika. Gladys is verbitterd, selfs omdat Justin, haar seun, ’n dokter geword het.
Dokter Justin Khumalo is aan diens as die ambulans met die Nagels by ongevalle aankom. Hy deel bevele uit en staan terug om die erg beseerde gesin op te neem. Vir hom is dit pasiënte, mense sonder kleur.
Vroeër vanaand was hy en sy moeder by die opvoering waar Celest Nagel die orkes gelei het. Justin wou die uiters begaafde jong pianis sien optree.
Gladys het saam met hom gegaan om net een rede: omdat sy mag. As swart vrou mag sy in die konsertsaal sit wat in haar kindertyd net vir blankes bedoel was.
In sy agterkop sien hy haar nog buig voor die dawerende gehoor. Hoekom dan die byna waansinnige vrees as sy na hom kyk?
Wat gaan gebeur tussen Justin en Celest, haar ouers en sy voorouers? Kan die kleurskeidslyn verskuif en is daar ’n toekoms OOR GRENSE HEEN?
