'n Roman deur lede van die Boekehuis:

Emily staar moeg na die olifante op die rivierwal wat water drink. Sy sien hoe die seekoeie stoei en speel en dan onder die water ingly, sodat net die oë en ore uitsteek.
"Ek is moeg vir hierdie lewe van my!" Roep sy uit in ’n hees stem. Ek verlang na my moeksie wat ek ... hoe lank is dit nou al? Wonder Emily.
Sy is ’n bekende model wat nou besig is met is met ’n fotosessie vir n oorsese glanstydskrif maar sy besef haar tyd vir roem is besig om te vervaag.
Hier by die Victoria-watervalle neem sy haar lewe in oënskou en die onthou lê naak in haar oë. Selfverwyt knaag haar binneste rou ...
Stadig begin die Afrikason sy pad vind om in die weste sy rusplek te vind. Sy goue strale gooi vuurvonke in Emily se bos rooi hare. Haar skouers is effe rooi gebrand deur die son en 'n rilling gaan deur haar lenige lyf.
In die vêrte hoor sy die geskel van 'n trop hiënas wat wedywer om 'n stukkie vleis.
"My lewe is net soos daardie vieslike stink hiënas. Baklei vir alles. My werk my bestaan. Waar gaan ek op eindig?"

Skrywers:

Heleen Malherbe
Franciska Mouton
Annatjie Sandrock
Ina Cantoni
Jessica Venter
Janet de Vaal
Trudie Potgieter
Ria Richards